Вести

Зајакната координација за одржување на финансиската стабилност
01.05.2020

1 мај 2020 година, Скопје - Финансискиот систем е подготвен да се справи со корона-кризата. Прудентната регулатива на финансиските регулатори, во голем дел усогласена со европските регулативи, придонесе системот да е во кондиција со којашто може да се справи со шокот предизвикан од пандемијата на ковид-19.

Ангеловска и Бектеши на средба со туристичко-угостителскиот сектор: Промените на уредбата за финансиска поддршка од 14.500 ден.
30.04.2020

30 април 2020, Скопје - Промените на уредбата за финансиска поддршка од 14.500 денари по вработен ќе придонесе работници кои претходно биле отпуштени да се вратат на работа. Со неа се излегува во пресрет и на барањата на најпогодените дејности, односно туризмот, угостителството и транспортот. Ова беше зборувано на денешната средба помеѓу претставници на угостителско-туристичката дејност, министрите за финансии и економија, Нина Ангеловска и Крешник Бектеши, и директорот на Агенцијата за промоција и поддршка на туризмот, Љупчо Јаневски.

Ангеловска: Промената во уредбата за субвенционирање на плати е за заштита на работните места
30.04.2020

30 април 2020, Скопје  – Министерката за финансии Нина Ангеловска денеска појасни дека со измената на уредбата за субвенционирање на плати во стопанството ќе се поттикнат компаниите доколку имаат отпуштено работници над предвидениот процент од пет, 10 и 15 проценти, да ги вратат вработените на работа ако сакаат да аплицираат. Во случај пак кога некој од работниците доброволно заминал од работа или се работи за сезонски работници, тогаш компанијата ќе може да аплицира за мерката.

140 милиони евра средства од Светска банка и нов проект за брзо дејствување против ковид-19
30.04.2020

30 април 2020, Скопје - Поддршката од Светска банка за Република Северна Македонија за справување со последиците од кризата предизвикана од ковид-19 ќе изнесува околу 140 милиони евра. Дел од средствата ќе се наменат за нов проект „Проект за брзо дејствување против ковид-19“ во износ од околу 90 милиони евра, а останатите 50 милиони евра за мерката за „финансиска поддршка од 14.500 денари по вработен“ за работодавци и самостојни вршители на дејност. Ова беше дискутирано, во рамки на виртуелните Пролетни средби на ММФ и Светска банка, на состанокот на потпретседателот на Светска банка за Европа и Централна Азија, Сирил Милер со вицепремиерката и министерка за одбрана, Радмила Шекеринска, вицепремиерката за економија, Мила Царовска, гувернерката на Народната банка, Анита Ангеловска-Бежоска и министерката за финансии, Нина Ангеловска.

Подобрени условите за мерката „14.500 ден. по вработен“: Можност за трансформирање во грант, комбинирање со други мерки и флекси
29.04.2020

29 април 2020, Скопје - Подобрувања на условите на мерката за финансиска поддршка 14.500 денари по вработен - со поголема флексибилност во условот за одржување на бројот на вработени, можност за комбинирање на мерката со мерката „50% субвенции на придонеси“ за најпогодените сектори и можност помошта да се трансформира во грант – неповратни средства. Овие новини се во координација со Светска банка, која ќе финансира дел од мерката со заем од околу 50 милиони евра. Министерката за финансии, Нина Ангеловска и директорката на Управата за јавни приходи, Сања Лукаревска, денес, на прес-конференција ја презентираа мерката за која работодавците и самостојните вршители на дејност ќе можат да аплицираат од почетокот на мај, а видео обраќање имаше и директорот на Светска банка за Република Северна Македонија и Косово, Марко Мантованели.

Ангеловска на панел-дискусија од високо ниво на Неделата на е-трговија УНКТАД
28.04.2020

28 април 2020, Скопје - Министерката за финансии, Нина Ангеловска, која е една од првите 7 амбасадорки за е-трговија во светот, на УНКТАД (тело на Обединетите нации за трговија, инвестиции и развој), денес учествуваше на панел-дискусија од високо ниво во рамки на Неделата на е-трговија УНКТАД. Ова е водечки форум на кој учествуваат министри, високи владини претставници, извршни директори, меѓународни организации, банки за развој, експертска и невладина јавност, за да разговараат за можностите за развој и предизвиците поврзани со дигиталната економија. Оваа година, поради кризата предизвикана од ковид-19, се одржува виртуелно.

Солидарно против ковид-19: #МојаНаграда само со дневни награди од 500 денари, повратот на ДДВ може да се донира
25.04.2020

25 април 2020, Скопје - МојДДВ и МојДДВ #МојаНаграда во духот на солидарноста се приклучуваат кон борбата против ковид-19. Дел од фондот #МојаНаграда ќе се насочи кон борбата против вирусот, така што дневните награди ќе се сведат на 10 награди по 500 денари, додека месечните извлекувања од по 100.000 за мај и јуни нема да се одржат. Граѓаните ќе можат и да донираат средства од својот поврат на ДДВ преку апликацијата МојДДВ.

Од 29 април ќе може да се аплицира за 8 милиони евра бескаматни кредити
24.04.2020

24 април 2020, Скопје - Од среда, 29 април, микро, малите и средни компании од сите дејности, погодени од кризата предизвикана од ковид-19, ќе можат да аплицираат за 8 милиони евра бескаматни кредити преку Развојната банка на Северна Македонија. Кредитите од оваа линија се во износ до 90.000 евра, а условите и постапката за аплицирање се олеснети. На јавната презентација на новата бескаматна линија, која претставува антикризна мерка за справување со оваа криза, присуствуваа министерката за финансии, Нина Ангеловска, директорот на Развојната банка, Кире Наумов и директорката на Централниот регистар, Марија Бошковска Јанковски.

Гувернерката на Народната банка и министерката за финансии на состанок со директорот на Одделот за Европа во ММФ
23.04.2020

23 април 2020, Скопје – Меѓународниот монетарен фонд (ММФ) обезбеди значајна поддршка преку Инструментот за брзо финансирање, во износ од околу 176 милиони евра, а и понатаму, во рамки на можностите, ќе дава поддршка за што посоодветно да се одговори на предизвиците и што побрзо да дојде до опоравување на македонската економија. Економските фундаменти се здрави, а преземените мерки се соодветни и ќе придонесат економијата да се справи со шокот од пандемијата на ковид-19.

Ангеловска за МИА: Зголемувањето на акцизата на горивата е времена и условена мерка
22.04.2020

22 април 2020,  Скопје (МИА) – Зголемувањето на акцизата на горивата е времена мерка која ќе се применува за време на вонредната состојба и седум месеци потоа. Висината на акцизата ќе биде условена од цената на нафтата на светските берзи. Односно, во вонредна состојба, на сегашната акциза ќе се наплаќаат дополнително три денари, два денара или нула денари согласно движењата на цената на нафтата на странските берзи, истакнува министерката за финансии, Нина Ангеловска во интервју за МИА.

Pages