Вести

Ангеловска: 55.000 граѓани користат домашна платежна картичка
24.06.2020

Педесет и пет илјади граѓани веќе ги имаат добиено платежните картички и активно може да ги користат и да купуваат домашни производи и услуги. Вкупно, над 320 илјади граѓани треба да добијат домашна платежна картичка. Испечатени се 220 илјади картички. Банките интензивно работат и секојдневно издаваат по илјадници картички, а имаше поднесено 50 илјади приговори, од кои 20 илјади се со прашања, а 30.000 се со матични броеви кои сметаат дека ги исполнуваат критериумите и тие се проверуваат, по проверката, доколку ги исполнуваат условите ќе ја добијат домашната платежна картичка.

Ангеловска: Отсега и општините на „Отворени финансии“ како и јавните претпријатија
20.06.2020

20 јуни 2020, Скопје - Отсега на платформата Отворени финансии ќе можат да се следат и сите исплати на единиците на локалната самоуправа и нивните буџетски институции. За ова информираше денеска министерката за финансии Нина Ангеловска, која посочи дека е направена  надградба со која се зголемени перформансите на системот и осега ќе се објавуваат и трансакциите на општините, на истиот начин на кој се објавуваат и трансакциите на сите буџетски корисници на Буџетот на Република Северна Македонија на платформата open.finance.gov.mk.

Две прочистителни станици во општина Врапчиште преку МСИП проектот
19.06.2020

19 јуни 2020 година, Врапчиште - Две пречистителни станици за вода за пиење се градат во населените места Неготино и Добри Дол во општина Врапчиште, во околината на градот Гостивар, преку проектот за подобрување на општинските услуги, МСИП, во рамки на Министерство за финансии, а со поддршка на Светска банка.

Ангеловска: Законот за буџети во финална фаза, транспарентноста во јавните финансии останува приоритет
19.06.2020

19 јуни 2020, Скопје - Денеска се одржа Четвртата седница на Советот за управување со јавни финансии - координативното тело на Владата, на високо ниво, за следење на спроведувањето на реформите предвидени со Програмата за реформа на управувањето со јавни финансии 2018 - 2021 година. Со седницата претседаваше министерката за финансии Нина Ангеловска.

Ангеловска: Домашната платежна картичка е инјекција од 28 милиони евра која ќе ја забрза економската активност во третото тримес
18.06.2020

18 јуни 2020, Скопје - Домашната платежна картичка и ваучерите за домашен туризам ќе го ублажат падот на економската активност во третото тримесечје, како и падот на бројот на ноќевања во македонскиот туризам. Ова го покажале направените симулации во Министерството за финансии, изјави министерката за финансии, Нина Ангеловска на гостувањето во емисијата Агенда 35.

Отворена донаторска платформа solidarnost.gov.mk за полесно справување со КОВИД-19
17.06.2020

Преку solidarnost.gov.mk граѓаните и фирмите можат брзо и едноставно да донираат во солидарните фондови за борба против КОВИД-19 и да се запишат како донатори

16 јуни 2020, Скопје - Министерството за финансии во соработка со Меѓународниот републиканскиот институт (ИРИ), УСАИД, како и со поддршка на Министерството за здравство и Владата, изработија веб платформа solidarnost.gov.mk преку која граѓаните и правни лица ќе можат да донираат во солидарните фондови за борба против КОВИД-19 на Министерството за здравство и Владата. Целта на новоотворената веб-страница е да се олесни процесот за оние кои што сакаат да донираат за полесно справување со кризата предизвикана од коронавирусот, да овозможи јавно признание на тие кои донирале и да поттикнува солидарност.

Ангеловска: До крајот на неделата 100.000 домашни платежни картички ќе бидат дистрибуирани до корисниците
15.06.2020

15 јуни 2020, Скопје - До крајот на неделата се очекува да се дистрибуираат околу 100.000 картички од банките до корисниците на домашните платежни картички, а веќе 10.000 граѓани ги имаат добиено картичките и можат да ги користат, рече на гостувањето во „Утрински брифинг“ министерката за финансии, Нина Ангеловска.

Ангеловска: Мерката за финансиска поддршка за исплата на плати заштити 140.000 работни места
12.06.2020

12 јуни 2020, Скопје - Околу 140.000 работни места се задржани благодарение на мерката за финансиска поддршка на фирмите за исплата на платите, рече министерката за финансии, Нина Ангеловска на гостувањето во емисијата „Само вистина“.

Ангеловска: Граѓаните од утре ќе почнат да добиваат домашна платежна картичка, 28 милиони евра ќе бидат префрлени кон банките
11.06.2020

11 јуни 2020, Скопје - Утре ќе бидат префрлени 28-те милиони евра средства за домашните платежни картички кон банките, а веќе од утре и се очекува да се издадат првите домашни платежни картички. Ова го најави министерката за финансии Нина Ангеловска во гостување за „Само вистина“ и посочи дека банките веќе по смс ги информираат граѓаните чии картички се изработени.

Домашна платежна картичка ќе добијат 324.479 корисници, ќе се исплатат 28 милиони евра
10.06.2020

Скопје, 10 јуни 2020 – Домашната платежна картичка ќе ја користат 324.479 корисници. Денеска е објавена конечната листа на веб-страната kupuvamdomasno.gov.mk, а веќе се печатат и првите картички и наскоро ќе почнат да се издаваат на корисниците. За оваа мерка Владата ќе даде 28 милиони евра за да ги поддржи граѓаните, но и домашното производство и услуги во надминување на Covid-19 кризата, бидејќи со овие картички ќе можат да се купуваат само домашни производи. Ова го истакна министерката за финансии Нина Ангеловска на прес-конференција, на која беше и заменик министерката за финансии Ширет Елези.

Pages