Вести

Ангеловска со видео отчет за сработеното во изминатите 10 месеци
09.07.2020

9 јули 2020, Скопје - Ангеловска дојде на функцијата министер за финансии пред 10 месеци. Во видеото кое го објави денес на својот Фејсбук профил во кое дава ретроспектива на дел од сработеното, вели дека почнале со многу силно темпо, а КОВИД-19 кризата донела уште посилно темпо и турбулентен период.

Извештај на ОЕЦД за Западен Балкан: Република Северна Македонија со најдобра бизнис-клима во регионот
08.07.2020

8 јули 2020, Скопје - Република Северна Македонија има најповолна бизнис-клима во регионот, а исто така има и помалку фискални ризици во однос на другите земји. Ова се главните поенти за нашата земја во извештајот на ОЕЦД за земјите од Западен Балкан („Government at a glance: Western Balkans 2020“). Во извештајот се нотира дека земјава е регионален лидер во обезбедување поволна бизнис-клима и има подобри резултати во однос на просекот на земјите на ОЕЦД и од просекот на земјите на ОЕЦД коишто се членки на ЕУ.

Поради обезбедена ликвидност, во јули само една аукција на ДХВ
07.07.2020

7 јули 2020, Скопје - Во насока на водење на прудентна политика на јавен долг и поради обезбедена тековна ликвидност, аукцијата на државни хартии од вредност која според Календарот на аукции беше предвидена за денес нема да се реализира.

МојДДВ #МојаНаграда: 15 граѓани кои скенирале сметки во април, мај и јуни, добија по 100.000 денари
05.07.2020

5 јули 2020 година, Скопје - Извлечени се 15-те најсреќни добитници на награда од по 100 илјади денари, а кои скенирале сметки во текот на април, мај и јуни.

Валентина Ѓуроска, Нацо Запров, Јуле Тасевска Марков, Наталија Грчева, Сузана Антовска, Слаѓана Јовческа, Виолета Георгиева, Славица Димоска, Сузана Димитрова, Ивица Јаначков, Наталија Велиновска, Влатко Масалковски, Мухамед Мамуди, Јасмина Каранфиловска и Ванчо Ѓорѓевски се граѓаните кои беа извлечени во саботата, во вечерниот термин на Канал 5 ТВ.

МФ изработи прирачник „Купувам домашно“ со објаснување што се спаѓа во домашни производи
04.07.2020

4 јули 2020, Скопје - Со цел стимулирање на купување домашни производи, а со тоа и поддршка на македонското стопанство во услови на COVID-19 кризата, домашната платежна картичка е наменета исклучиво за македонски производи и услуги, додека повратот на ДДВ преку МојДДВ за македонски производи е покачен од 15% на 20%. За да се информира јавноста што се спаѓа под „македонски производи“, Министерството за финансии изработи прирачник „Купувам домашно“ со 16 често поставувани прашања.

Висок поврат на ДДВ за фирмите: 206 милиони евра во првото полугодие и покрај кризата од КОВИД-19
03.07.2020

3 јули 2020, Скопје - Во првото полугодие од 2020 година извршен е поврат на ДДВ кон фирмите од 12,7 милијарди денари или 206,5 милиони евра, што е за 6% повеќе во однос на лани или за 660 милиони денари повеќе. Ова е највисок поврат на ДДВ за овој период во однос на изминатите години, што е значајно особено ако се земе предвид кризата предизвикана од КОВИД-19.

Ангеловска: Повторното отворање на економијата - побрзо, приходите во јуни - подобри од очекуваното
02.07.2020

2 јули 2020, Скопје - Наплатата на приходите во јуни е значително подобра од проекциите, што укажува на тоа дека повторното отворање на економијата ќе оди побрзо од очекуваното. За јуни, наплатата на приходите во однос на лани е пониска за 9,6%, што е подобрување во однос на претходните два месеца. Дури има и натфрлање на одредени давачки за високи проценти во однос на лани, како кај персоналниот данок на доход и кај придонесите. Ова денес го истакна министерката за финансии, Нина Ангеловска на една од редовните прес-конференции за месечното извршување на Буџетот, кои во насока на зголемена транспарентност се одржуваат од почетокот на кризата предизвикана од КОВИД-19.

Граѓаните од денес скенираат за три пати повеќе дневни награди преку МојДДВ #МојаНаграда
01.07.2020

01 јули 2020, Скопје - Од денес граѓаните скенираат сметки за три пати повеќе дневни награди од порано преку МојДДВ #МојаНаграда, односно од денес до крај на година секој ден ќе се доделуваат 30 награди по 1.000 денари.

Ангеловска: Домашната платежна картичка ќе го амортизира економскиот пад
29.06.2020

29 јуни 2020, Скопје - Инјекцијата од 28 милиони евра преку домашната платежна картичка, односно преку зголемувањето на приватната потрошувачка за краток период насочена кон домашните производи ќе го амортизира економскиот пад. Во третиот квартал, согласно симулациите направени од Министерството за финансии, благодарение на домашната платежна картичка економскиот резултат ќе биде подобар за 0,7 до 0,9 процентни поени, вели во гостување во „Бизнис поенти“ на ТВ Алфа министерката за финансии Нина Ангеловска.

Ангеловска: Корисниците на домашната платежна картичка веќе можат да пазарат со неа
28.06.2020

28 јуни 2020, Скопје - Околу 28 милиони евра се веќе префрлени на банките за домашната платежна картичка, а до средината на изминатата недела се издадени 60.000 картички за корисниците, во износ од околу 11 милиони евра, и истите се во функција. Со домашните платежни картички веќе се пазарат македонски производи, рече на гостувањето во емисијата „Бизнис поенти“ на ТВ Алфа, министерката за финансии Нина Ангеловска.

Pages