Вести

Ангеловска: Граѓаните од утре ќе почнат да добиваат домашна платежна картичка, 28 милиони евра ќе бидат префрлени кон банките
11.06.2020

11 јуни 2020, Скопје - Утре ќе бидат префрлени 28-те милиони евра средства за домашните платежни картички кон банките, а веќе од утре и се очекува да се издадат првите домашни платежни картички. Ова го најави министерката за финансии Нина Ангеловска во гостување за „Само вистина“ и посочи дека банките веќе по смс ги информираат граѓаните чии картички се изработени.

Домашна платежна картичка ќе добијат 324.479 корисници, ќе се исплатат 28 милиони евра
10.06.2020

Скопје, 10 јуни 2020 – Домашната платежна картичка ќе ја користат 324.479 корисници. Денеска е објавена конечната листа на веб-страната kupuvamdomasno.gov.mk, а веќе се печатат и првите картички и наскоро ќе почнат да се издаваат на корисниците. За оваа мерка Владата ќе даде 28 милиони евра за да ги поддржи граѓаните, но и домашното производство и услуги во надминување на Covid-19 кризата, бидејќи со овие картички ќе можат да се купуваат само домашни производи. Ова го истакна министерката за финансии Нина Ангеловска на прес-конференција, на која беше и заменик министерката за финансии Ширет Елези.

Грант од 61 милион денари преку Проектот за подобрување на општински услуги (МСИП) за 14 општински проекти
06.06.2020

6 јуни 2020, Скопје - На 12 општини им се доделени грант-средства од 60.895.919 денари преку Проектот за подобрување на општински услуги (МСИП), кој го спроведува Министерството за финансии со поддршка на Светска банка. Овие средства ќе влезат во финансиска конструкција за 14 општински проекти како - изградба на училиште, реконструкција на постојно училиште, набавка на опрема за градинка, набавка на опрема за детско игралиште, изградба и реконструкција на патна инфраструктура, набавка на професионални возила и мултифункционални машини.

Ангеловска и Танасоски: Грант од Јужна Кореја од 700.000 евра за модерна дигитална Царинска управа
02.06.2020

2 јуни 2020, Скопје - Со грант средства од 700.000 евра од Владата на Јужна Кореја ќе се поддржи градењето на капацитетите на македонската Царинска управа, особено во делот  на брзите пратки, откривањето на нелегалните финансиски текови, како и анализа на ризикот во е-трговијата. Денеска се одржа состанок за отпочнување на проектот на кој присуствуваа министерката за финансии, Нина Ангеловска, директорот на Царинската управа, Ѓоко Танасоски и делегација од Царинската управа на Јужна Кореја.

Ангеловска: Приходите во буџетот во мај се реализираат согласно поволното сценарио
31.05.2020

31 мај 2020, Скопје - Приходите во буџетот заклучно мај се согласно поволното сценарио на Министерството за финансии, што значи дека патеката на движење беше соодветно проектирана и досегашната реализација се движи во линија со планираното, односно имаме позитивно отстапување или подобра наплата од околу 300 милиони денари на приходите од акциза, рече денеска министерката за финансии Нина Ангеловска во изјава за медиумите за извршување на буџетот од почетокот на годината заклучно мај, како и за неговото финансирање.

Петкратно поголем интерес од инвеститорите за македонската еврообврзница издадена на 700 милиони евра со камата од 3,675%
27.05.2020

27 мај 2020, Скопје - Република Северна Македонија ја издаде седмата еврообврзница во износ од 700 милиони евра. Рочноста на еврообврзницата е 6 години, додека каматната стапка по која е издадена изнесува 3,675%, што е втора најниска камата веднаш по еврообврзницата издадена во 2018 година. Ова ја покажува довербата на инвеститорите во македонската економија и политики, ако се земе предвид дека оваа обврзница се издава во време на кризата предизвикана од ковид-19 - најголемата економска криза после Големата депресија, кога сите економии, вклучително и светските економски сили, излегуваат на меѓународниот пазар на капитал за да обезбедат средства за финансирање на потребите произлезени од кризата.

Ангеловска и Бектеши: Со третиот сет економски мерки нови бескаматни кредити, грантови за фирмите и поддршка за извоз и модерниз
21.05.2020

21 мај 2020, Скопје - Поддршка на инвестиции, полесен пристап до капитал, наоѓање нови пазари, извозна ориентираност, дигитализација, модернизација, нови производи, како и вклучување таргетирани категории, како што се жени претприемачи и млади лица, преку мерки од третиот пакет насочени кон директна поддршка на стопанството. Овие мерки денеска ги презентираа министерката за финансии, Нина Ангеловска и министерот за економија, Крешник Бектеши.

Ангеловска: Со домашната платежна картичка од третиот сет мерки ќе се купуваат исклучително македонски производи и услуги
19.05.2020

19 мај 2020, Скопје - Со домашната платежна картичка, која е дел од третиот сет на мерки, ќе се купуваат само домашни производи и услуги и на тој начин ќе се помогнат и граѓаните со пониски примања кои ќе ја добијат картичката,  и домашните фирми. Домашната платежна картичка ќе се користи во ограничено покусо време и на тој начин во пократок рок ќе се влејат повеќе средства во домашното стопанство, рече министерката за финанснии Нина Ангеловска во гостување на Телма.

Имаме најголема реализација на препораките за економски реформи од ЕУ од земјите од Западен Балкан и Турција
19.05.2020

19 мај 2020, Скопје - Република Северна Македонија годинава е најдобра во регионот во однос на препораките на Европска комисија од Програмата за економски реформи, за периодот од мај 2019 година до јануари 2020 година, кои се однесуваат на реформски мерки за јакнење на финансиската стабилност  и креирање на работни места. Исто така, Европската комисија позитивно ги оцени нашите политики за справување со коронакризата. Денеска на редовниот годишен Економски и финансиски дијалог помеѓу Европската унија и Западен Балкан и Турција, кој се одржуваше онлајн, учествуваа министерката за финансии, Нина Ангеловска и гувернерката на Народната банка, Анита Ангеловска-Бежоска.

Ангеловска: Со третиот сет мерки поставени се јасни цели за конкурентна македонска економија
17.05.2020

17 мај 2020, Скопје - Со третиот пакет-мерки кој се состои од директна помош на граѓаните, на стопанството, земјоделството, како и благодарност за здравствените работници за борбата против ковид-19, Владата покажува дека мисли на сите, дека има јасно определени цели со кои ќе помогне за нова развојна конкуретна македонска економија и ќе го помогне и приватниот сектор за да биде уште подобар и уште поконкурентен во посткорона-периодот. Ова го истакна министерката за финансии, Нина Ангеловска одговарајќи на прашање на прес-конференцијата за претставување на новиот сет мерки.

Pages