Вести

Бесими: Предвидливост во даночната политика и подигнување на прагот за ДДВ обврзниците на 3 милиони денари со цел поддршка на ма
16.09.2020

16 септември 2020, Скопје - Предвидливост во даночната политика – задржување на данокот на добивка од 10% во следниот четиригодишен период, даночни бенефиции за извозниците преку нов закон за ДДВ, повластени стапки од 5% за земјоделските производители и за занаетчиите и подигнување на прагот за ДДВ обврзник на 3 милиони денари од 2022 година. Ова го најави министерот за финансии Бесими од аспект на даночната политика во својот четиригодишен мандат како прв финансиер, со цел поддршка на стопанството. Исто така, Бесими најави и намалување на парафискалните давачки до 75%.

Бесими: Раст на економијата од 4% и на просечната плата за 20 до 30 отсто за подобар стандард на граѓаните
16.09.2020

16 септември 2020, Скопје - Стапки на раст од 4-5% и покачување на платите за 20% до 30% односно над 32 илјади денари во следните четири години со цел подобрување на стандардот на граѓаните и економијата во земјата. Ова се главните цели и задачи на министерот за финансии, Фатмир Бесими во следниот четиригодишен мандат како прв финансиер. Тој посочува дека негова и задача на неговиот тим е што побргу земјата да се врати на патот којшто ќе донесе солиден економски раст, достоинствени плати, создавање нови работни места и намалување на невработеноста, предвидлива даночна политика и генерално, европска иднина за нашите граѓани.

Средба Бесими - Холстеин: Германија - наш посветен партнер на патот кон остварување на европските вредности и стандарди
15.09.2020

15 септември 2020 година, Скопје - Министерот за финансии, д-р Фатмир Бесими, оствари средба со амбасадорката на Германија во Република Северна Македонија, Анке Холстеин.

На средбата беа истакнати пријателските односи помеѓу двете држави.

МФ
14.09.2020

14 септември 2020 година, Скопје - Министерот за финансии Фатмир Бесими денес присуствуваше на состанокот со претседателот на Групацијата Светска банка и Холандската конституенца при Светска банка во која членува и Република Северна Македонија. Покрај претседателот на Светска банка, Дејвид Малпас, присуствуваа Ана Бјерде, потпретседател на Светска банка за Европа и Централна Азија, Георгина Бејкер, потпретседател во ИФЦ за Европа и Централна Азија и Кун Дејвидсе, извршен директор во Одборот на директори на Светска банка.

Средба Бесими - Паолучи: До Владата ќе го доставиме законот којшто ќе овозможи реализација на проектот за итно справување со Ков
11.09.2020

11 септември 2020, Скопје - „Мерките и политиките коишто се преземаат во насока на поддршка на одржлив и инклузивен раст, се клучни во услови кога се соочуваме со најголемата економска криза досега предизвикана од Ковид 19. Во овој дел од голема важност е четиригодишната стратегија за партнерство што Република Северна Македонија ја има со Светска банка“, порача министерот за финансии Фатмир Бесими на првата официјална средба со директорот на Светска банка за земјава, Масимилијано Паолучи којашто се одржа онлајн. На средбата се дискутираше за тековните и идните проекти предвидени со четиригодишната стратегија, за проектите за справување со пандемијата, како и воопшто за политиките коишто ги презема Владата за справување со економската криза предизвикана од коронавирусот.

Бесими – ЕБОР: Реализацијата на капиталните проекти финансирани од ЕБОР ќе ја придвижи економијата
10.09.2020

10 септември 2020, Скопје - Министерот за финансии, Фатмир Бесими денеска оствари средба со директорот на Европската банка за обнова и развој надлежен за Република Северна Македонија, Анди Аранитаси.

На средбата стана збор за меѓусебната соработка што Министерство за финансии и ЕБОР ја имаат во изминатите години, изразена преку тековните и идните проекти, со поддршка од Европската банка за обнова и развој, а чијашто реализација ќе има влијание врз растот на економијата.

Средба Бесими - ММФ: Целта ни е следните години растот да се дуплира
10.09.2020

10 септември 2020, Скопје - Mинистерот за финансии, Фатмир Бесими заедно со тимот на Министерството и претставниците на Меѓународниот монетарен фонд, Бергјот Бјорнсон Баркбу, шеф на мисијата на Меѓународниот монетарен фонд за Република Северна Македонија и Штефани Ебле, регионален резидентен претставник за земјите од Западен Балкан остварија прва официјална средба којашто се одржа онлајн. Кризата предизвикана од Ковид 19 и нејзиното влијание врз македонската економија, преземените пакет-мерки и новиот пакет-мерки што во моментов се изготвува во соработка со сите чинители во економијата, како и во консултации со Светска банка и ММФ, беа тема на разговор на средбата.

Средба Бесими - Ангеловска-Бежоска: Финансиската и севкупната макроекономска стабилност се и остануваат заеднички приоритет
09.09.2020

9 септември 2020, Скопје - Соработката и континуираната комуникација помеѓу Министерството за финансии и Народната банка се од исклучително значење за перманентно и соодветно следење на состојбите и движењата во економијата, како и за одржување на финансиската и севкупната макроекономска стабилност. Тие се и мора да останат заеднички приоритет на двете институции. Ова се дел од заедничките заклучоци од денешната средба на министерот за финансии, Фатмир Бесими и гувернерката на Народната банка, Анита Ангеловска-Бежоска.

Извлечени 15-те добитници од 7. коло месечни награди преку MojДДВ #МојаНаграда
07.09.2020

7 септември 2020 година, Скопје – Извлечени се 15-те добитници на месечните награди од по 20.000 илјади денари преку наградната игра МојДДВ #МојаНаграда, на јавно извлекување коешто се одржа во саботата вечер на Канал 5.

Станува збор за Павлинка Николова од Штип, Милна Робева од Скопје, Дејанчо Малинов од Пробиштип, Мерсиме Бајрами од Скопје, Доне Чамевски од Кавадарци, Милена Чалмова од Битола, Гордана Каневче од Битола, Трајче Панов од Струмица, Дарко Кољозов од Скопје, Богдан Душановски од Куманово, Марина Бојковска од Битола, Виолета Кљанкова од Струмица, Љиљана Крстова од Кочани, Даниела Мишевска од Скопје и Анета Лазареска од Кичево.

Бесими: Потребен е систем на СМАРТ (паметни) финансии за брзо заздравување и побрз посткризен раст
06.09.2020

6 септември 2020, Скопје - Првиот финансиер, Фатмир Бесими во неговото прво интервју како министер за финансии вели дека има средства за да Буџетот се извршува непречено, односно редовно да се исплаќаат платите, пензиите, социјалната помош, обврските кон стопанството, кредиторите, како и средства за антикризни мерки за помош на економијата и забрзување на ревитализирањето. Четвртиот сет антикризни мерки ќе биде насочен кон економско заздравување - стимулирање на приватната потрошувачка, но и поттикнување на инвестициите во стопанството. Тој најавува систем на паметни јавни финансии кој којшто ќе се базира на јасна стратегија и ќе биде одржлив, одговорен, реформски ориентиран и транспарентен.

Pages