Министерство за финансии

20 октомври 2018, Скопје - Градежните работи на пругата Битола-Кременица се очекува да завршат до крајот на годинава, согласно податоците на изведувачот. Досега 90% од градежните работи се веќе завршени.

19 октомври 2018, Штип - Платите во Македонија растат. Тоа се гледа и од денес објавениот податок на Државниот завод за статистика, кој покажува годишен раст на нето платата во август од 5,7%. Ова го рече министерот за финансии Драган Тевдовски на дебатата „Иднината во нашите очи“ во организација  фондацијата „Фридрих Еберт“, која се одржува во рамки на Текстилијадата во Штип.

17 октомври 2018, Скопје - Статистичките податоци се предуслов за носење на квалитетни одлуки. Еден од приоритетите на Министерството за финансии, како дел од националниот статистички систем, е да произведе поквалитетни податоци и истите да се направат подостапни за граѓаните и институциите. Ова го истакна министерот за финансии Драган Тевдовски денес на конференцијата „Подобри податоци денес за подобро утре“ организирана по повод Денот на европската статистика.

16 октомври 2018, Скопје - На аукцијата на државни хартии од вредност запишани се 3,5 милијарди денари (56,9 милиони евра), од кои утре по основ на порано издадени и доспеани за отплата државни хартии од вредност ќе се вратат 1,6 милијарди денари (26,2 милиони евра), а на 20.10.2018 година ќе се вратат 690 милиони денари (11,2 милиони евра). Со ова, нето задолжувањето од оваа аукција изнесува 1,2 милијарди денари (19,5 милиони евра).

14 октомври 2018, Скопје - Целта на Предлог-ребалансот на Буџетот за 2018 година е да се направат корекции на расходната страна за да се обезбеди финансиска поддршка за општините со цел отплата на дел од долговите. Ова го истакна министерот за финансии Драган Тевдовски на денешната прес-конференција, по повод усвојувањето на Предлог-ребалансот од страна на Владата.