Скопје, 19 мај 2013 (МИА) - Владата го продолжи рокот за поднесување барања за проектот „Купи куќа, купи стан“. За оваа година ќе се објави уште еден повик во рамки на кој заинтересираните ќе може да аплицираат до 31 декември.

Скопје, 18 мај 2013 (МИА) - Владата го усвои финалниот текст на Договорот со Руската Федерација за изградба на гасоводниот крак од Јужен тек кон Република Македонија. Финалниот текст, за кој е добиена потврда од руска страна дека се согласува, е усвоен на последната владина седница. Во моментов се утврдува датумот на потпишување на договорот, но се очекува да биде во јуни во Санк Петербург.

Скопје, 14 мај 2013 (МИА) - Министерството за финансии преку државни записи на нето-основа ќе врати во стопанството 1.215.000.000 денари, односно 20 милиони евра.

Истанбул, 10 мај 2013 (МИА) - Турција и Македонија немаат отворени парашања. Тие се две пријателски земји кои и во иднина ќе имаат исклучително добри стратешки политички и економски односи, оценува вицепремиерот и министер за финансии Зоран Ставрески кој престојува во Турција каде учествува на пролетните средби на Европската банка за обнова и развој. Смета дека има добри можности за зголемување на инвестициите од Турција.

Скопје, 9 мај 2013 (МИА) - Вицепремиерот и министер за финансии Зоран Ставрески денеска и утре учествува на 22. Годишни средби на Европската банка за обнова и развој (ЕБОР) кои годинава се одржуваат во Истанбул, Турција.

Скопје, 8 мај 2013 (МИА) – Буџетот е во добра кондиција. Приливот на средствата во првите четири месеци од годинава е соодветен на очекувањата, а плаќањата се вршат навремено, изјави вицепремиерот и министер за финансии Зоран Ставрески на денешната прес-конференција одговарајќи на новинарски прашања.

Скопје, 8 мај 2013 (МИА) – Владата го враќа логото „Да купуваме македонски производи“, За наше добро“ „Маде ин Мацедониа“ и сонцето на фискалните сметки од 1 јануари 2014 година.