Вести

Тевдовски на Euromoney: Од 2019 планираме да почнеме  со среднорочно буџетирање
16.01.2018

16 јануари 2018, Скопје - Од 2019 година сакаме да почнеме со среднорочно буџетирање, да излеземе од рамките во кои се планира само тековната фискална година и да имаме план за следните три или четири години, најави денеска министерот за финансии Драган Тевдовски во своето обраќање на главниот панел на конференцијата Euromoney - најголемата конференција од областа на финансиите во Централна и Источна Европа, која се одржува 23 година по ред во Виена.

Изјава на МФ Теводвски на прес-конференцијата по повод издавање на еврообврзница
12.01.2018

12 јануари 2017, Скопје - Македонија успешно издаде еврообврзница со историски убедливо најниска каматна стапка од 2,75%. Интересот на инвеститорите беше огромен. Тие беа подготвени да вложат над 3,5 милијарди евра. Ова е најцврст можен доказ дека меѓународните инвеститори веруваат во перспективите на македонската економија и долгорочната стабилност на земјата.

Македонија ја издаде шестата еврообврзница со историски најниска каматна стапка од 2,75%
11.01.2018

11 јануари 2018 - Република Македонија на меѓународниот пазар на капитал денес издаде еврообврзница на износ од 500 милиони евра со рок на достасување од 7 години и каматна стапка од 2,75%.

  Договорите за јавни набавки отсега ќе бидат јавно достапни на системот Е-набавки
09.01.2018

9 јануари 2018, Скопје - Со цел зголемување на транспарентноста и отчетноста во јавните набавки на Електронскиот систем за јавни набавки (ЕСЈН) отсега ќе се објавуваат и доделените договори, при што целокупната јавност ќе има увид во истите.

Резултати од одржаната аукција на државни хартии од вредност
09.01.2018

9 јануари 2017, Скопје - Министерството за финансии на аукцијата одржана на 09.01.2018 година издаде државни хартии од вредност во износ од 4.534,92 милиони денари (73,74 милиони евра).

МФ преку софтвер ќе ги следи обврските на буџетските корисници
04.01.2018

Министерството за финансии изработи софтвер во кој сите буџетски корисници ќе мора да ги пополнуваат своите неплатени обврски.  На овој начин ќе се има постојан увид на обврските во реално време. Законот што го овозможува ова е веќе изготвен, најави министерот за финансии, Драган Тевдовски, во интервју за МТВ.

Тевдовски за МТВ: Во 2018-та за капитални инвестиции речиси 400 милиони евра
03.01.2018

3 јануари 2018, Скопје - Стабилизирањето на политичката состојба и враќањето на довербата на инвеститорите, треба да придонесе за зголемување на приватните инвестиции. Тоа е она што недостигаше претходните години. За ова да се овозможи, за прв пат во буџетот има сериозна поддршка, пред се за домашните претпријатија, покрај за странските. Поддршката вклучува поддршка за инвестиции, за отворање нови работни места, повисоки плати“, вели министерот Тевдовски во интервјуто.

2018 ќе биде добра година за македонската економија
02.01.2018

2 јануари 2018 година, Скопје - Стабилизацијата на политичката состојба ја враќа довербата на инвеститорите и се очекува силно придвижување на приватните инвестиции, кои што изостануваа во претходниот период. Реализацијата на капиталните инвестиции во Буџетот во 2017 година е на највисоко ниво, а наплатата на даноците е зголемена. Ова беше кажано по заедничкиот состанок кој го имаа министерот за финансии Драган Тевдовски со премиерот Зоран Заев заедно со нивните советници.

Издадена 16 емисија обврзници за денационализација
28.12.2017

28 декември 2017, Скопје - Државата денес, 28 декември 2017 година, ја емитуваше 16 емисија обврзници за денационализација во износ од 8 милиони евра.

Со 16 емисија се опфатени сите правосилни решенија за денационализација од 1 февруари 2016 година до 31 јануари 2017 година, за кои како надомест се доделени обврзници.

Тргувањето со обврзниците за денационализација се врши на Македонска берза АД Скопје, со посредство на брокерските куќи и банките - членки на Македонската берза.

Собранието го усвои Буџетот за 2018
22.12.2017

22 декември 2017 Скопје - Собранието го усвои Буџетот за 2018 година. Како што истакна министерот за финансии Драган Тевдовски, буџетот го рефлектира ангажманот на новата Влада за постигнување на клучните цели и приоритети на општеството - повисоки стапки на раст на економијата, зголемување на продуктивното вработување, подигнување на животниот стандард на населението, владеење на правото, постигнување на повисоко ниво на социјална правда и интензивирање на интеграционите процеси за ЕУ и НАТО.

Pages