Министерството за финансии вчера изврши успешна емисија на еврообврзница на меѓународниот пазар на капитал во вредност од 175 милиони евра. Рокот на доспевање на еврообврзницата е 3,5 години, односно јануари 2013 година. Купонската каматна стапка која беше постигната изнесува 9,875 отсто.

Услугите на македонските општини кои се во втора фаза на децентрализација ќе се подобруваат преку проекти што ќе бидат финансирани со заем од Светската банка во износ од 18,9 милиони евра.

Средствата од Европската инвестициска банка наменети за мали и средни претпријатија како одговор на кризата се веќе достапни за претпријатијата. Договорите за заемот и за гаранциите од страна на државата ги потпишаа денеска министерот за финансии Трајко Славески, претставникот на Европската инвестициска банка Доминик Курбин и заменик-директорот на Македонската банка за поддршка на развојот Кенан Идризи.

Бордот директори на Светска банка вчера одобри 19,3 милиони евра за Проектот за условени парични трансфери во Република Македонија.

Голем интерес за државните записи кои ги понуди Министерството за финансии на денешната аукција. Понудени беа тримесечни државни записи со и без девизна клаузула како и дванаесетмесечни записи со девизна клаузула.

Светска банка активно да продолжи со разгледувањето на барањето на заем за буџетска поддршка на Македонија, беше една од темите на средбата на министерот за финансии Славески со Руд Треферс, еден од извршните директори на Светска банка на Состанокот на ММФ и Светска банка во Црна Гора вчера.